「倫哥私房菜」嘅無限時火鍋早前成為一時熱話。至今仍然大受歡迎，都幾難訂到位。
招牌雞煲係勁好食！蠔皇扣鮑魚同蒜蓉金菇蒸象拔蚌仔都好味。食完雞煲可以換湯底打邊爐，加錢揀左原隻波士頓龍蝦湯，龍蝦都算大隻，但湯底好淡，番茄味輕，係好大陣芹菜味。本地手切牛頸脊都又滑又香濃，我地 5 個人送左 3 碟，之後每碟 $38 都抵食。環遊海鮮盤都幾豐富，不過隻蟶子好腥，刀貝都唔算甜，啲蝦都好細隻，有啲失望。
最後埋單每位 $320，其實都唔平，以無限時黎講，如果會坐得耐食足幾粒鐘嘅話係抵嘅，但以我地食左兩個鐘已經飽晒想走（同環境認真坐得唔舒服），就唔太化算喇。